ध्येवधोरण
नमस्कार,
मी काम करत असलेल्या उस्मानाबाद जिल्ह्यामध्ये भौगोलिक वैविध्य आहे. शहरी, निमशहरी, ग्रामीण आणि दुर्गम असे सर्वच भाग या मतदारसंघात येतात. वैविध्याची हि समृद्धी लक्षात घेऊनच मी आपल्या मतदारसंघाच्या विकासासाठी एक स्वप्न अर्थात व्हिजन डोळ्यासमोर ठेवले आहे. यामध्ये कृषी क्षेत्रासाठी प्रोत्साहन, पायाभूत सुविधांचा सर्वंकष विकास, सर्वांसाठी खुले असणारे रोजगारभिमुख शिक्षण आणि प्रशिक्षण, दळणवळण व संपर्काच्या उत्तम सुविधा, वंचित समाजघटकांना संधी व न्याय आदींचा प्राधान्याने समावेश आहे. याशिवाय सर्वांसाठी शिक्षण, स्त्री-पुरुष समानता, उद्यमशिलतेला प्रोत्साहन आणि रोजगारनिर्मिती, निमशहरी भागांचा सर्वंकष विकास आदी प्रमुख मुद्यांचा समावेश आहे. जनतेच्या हितासाठी आणि त्यांचे जीवन सुखकर व्हावे यासाठी जे काही करण्यासारखे आहे, ते करण्यासाठी मी सदैव कार्यरत आहे.
उस्मानाबाद लोकसभा मतदारसंघ
- वीज, रस्ता, पाणी अशा पायाभूत सुविधा
- जास्तीत जास्त तरुणांना रोजगार मिळून ते राष्ट्रनिर्मितीस हातभार लावतील यासाठी अधिक रोजगार निर्मितीवर भर
- कृषी क्षेत्राच्या विकासासाठी अर्थसहाय्य, तंत्रज्ञान आणि योग्य बाजारभाव या त्रिसुत्रीच्या आधारे कार्यरत राहणे
- प्रत्येक मुला-मुलीस शिक्षण मिळावे याकडे लक्ष पुरविणे. उच्च शिक्षणाबाबत मार्गदर्शन आणि सहाय्य होईल अशी केंद्रे स्थापन करणे.
- व्यावसायिक शिक्षणाची सहज उपलब्ध होतील अशी केंद्रे उभारणे. कौशल्य विकासाच्या माध्यमातून अधिकाधिक कुशल मनुष्यबळ उद्योगांना उपलब्ध होईल
- दळणवळणाच्या सुविधा बस, रेल्वे इ. इ. अधिक सक्षम करणे
- पर्यटनाच्या संधी निर्माण करुन परिसराचा विकास करणे
- दुर्गम भागातील कनेक्टिव्हिटीचा मुद्दा प्राधान्याने सोडविण
- उस्मानाबाद जिल्ह्यामध्ये अपंग, एकल महिला, ज्येष्ठ नागरिक, निराधार आणि अनाथ अशा वंचित घटकांना आपलेपणाने सामावून घेणारा व्हावा यावर माझा भर आहे.
- मुलींना प्रगतीच्या उत्तम संधी मिळाव्यात.
- उस्मानाबाद जिल्हयामधील महिलांचा सन्मान आणि सुरक्षा अबाधित राखावी, महिलांचे सक्षमीकरण व्हावे, सामाजिक न्याय प्रस्थापित करणारा हा मतदारसंघ व्हावा अशी आमची भूमिका आहे.
- उस्मानाबाद जिल्हयामधील आशा वर्कर आणि अंगणवाडी सेविकांसाठी हेल्थ कार्ड मिळाले पाहिजे. या माध्यमातून त्यांची ब्रेस्ट कॅन्सर आणि गर्भाशयमुखाच्या कर्करोगाची मोफत तपासणी होईल. बा.
- अंगणवाड्यांना सर्वतोपरी सुविधा पुरविण्याकडे आमचा कटाक्ष आहे. या अंगणवाड्यांमध्ये बहुजन, कष्टकरी समाजाची मुलं शिक्षण घेतात. या अंगणवाड्यांना पाणी आणि वीज पुरवली जाईल.
धन्यवाद.
डॉ. प्रतापसिंह पाटील